南澳 2010 Day 1
趁住復活節有幾日假, 阿妹夫提意不如一齊去南澳西沖玩番2日, 咁我地一行7人又起行。
我地約左10:00am係落馬州等, 10:45am先到齊
去左春滿園飲茶(春滿園d野真係幾好食, 不過星期日超多人), 之後去左對面搭4路公車去銀湖汽車站
汽車站入面係搭長途車既, 我地只係需要係落車果度等E11路公車
大約1個鐘左右就到達南澳啦~~~~~
落車既時候有幾架白牌車問我地係咪去西沖, 我地問左價(RMB40/車), 問佢拎左咭片就去左海邊行, 本來想問D海鮮入西沖燒, 不過始終冇買。
海邊有D人賣海鮮
去到雙擁碼頭, 我地CALL左師傅黎接我地
南澳都有公車入東沖西沖, 不過好似好耐先有一班, 所以我地入西沖既時候有一班人截我地架車出去, 師傅叫佢地等一陣, 出黎既時候車佢地一, 師傅叫我地走果日CALL佢, 佢入黎車我地走。
我地就係住呢D小木屋啦, 前面果排對海, 不過冇咁新同細D
一張雙人床, 一張單人床, 可以瞓3個人
西沖海灘好大, 不過當日比較冷, 天氣亦唔好, 所以人唔多, 游水既更少
行左一陣西沖海灘我地叫渡假屋既人幫我地準備燒烤既野, 我地之前已經預訂左6位燒烤, 以為係6個燒烤包, 原來係......
(原本以為好唔夠食, 要出去食多轉, 原本食晒都幾飽)
不過由於唔係旺季, 好少人係度住, 所以冇野賣, 如果唔夠食就只有出出邊果2間海鮮餐廳買外賣。
由於妹夫係大胃王, 所以之後我地出去買左炒河同炒飯。好笑既事就發生左, 我地本來諗住買一盒炒河一盒炒飯, 點知佢拎住5盒番黎。因為人地問佢幾多個人食, 佢話5個, 人地就炒左5盒俾佢
我地食左2盒, 剩番3盒第二日食lunch既時候叫餐廳幫我地翻熱。
http://cheungtoto.mysinablog.com/index.php?op=ViewArticle&articleId=2303910